Transcription
1
Reçue à Grenoble, le 31 janvier 1573. Répondue.
2
Monsieur, je neusse tant differé faire responce
3
à celles quil vous pleust dernierement mescripre
4
que monsieur de Gap ma faict tenir, si j’heusse
5
treuvé messagier commode, vous remerciant très humblement
6
tant de faveurs quil vous plaist par voz lettres m’offrir,
7
lesquelles je n’acepte seulement, ains les embrassant
8
avecques deulx mains. Je vous supplierey de me tenir
9
tousjours à votre bonne grace et croyre quil ne
10
se presentera jamais chose, non seulement pour le
11
service de sa maiesté auquel je veulx desdyer le
12
reste de mes jours, mais en votre particulier, je
13
vous serey tout le temps de ma vye serviteur très humble
14
et aultant affectionné qu’à aultre à qui vous commanderés
15
jamais ; et pour fin de ma lettre, je prieray Notre Seigneur,
16
monsieur, quil vous doyent en heureuse santé
17
acroyssances de vous grandeurs. De Ventavon, ce XXVe
18
janvier 1573.
19
Votre très humble et hobeyssant
20
serviteur Furmeyer
21
Monsieur, je vous supplierey très humblement
22
avoyr pour recommandé monsieur de Vilar,
23
mon nepveu en quelque expedition quil a
24
par devant vous pour son beau frère de Chapan